OBRADOIRO -ENCADERNACIÓN BORDADA-

A marca de Artesanía de Galicia «Tocamadera Galega«, baixo a batuta de Mónica Portela chega de volta dende Marín ao noso Espazo Rodante (Local 7, Planta Baixa do C. Comercial A Laxe), para ofrecer un obradoiro de encadernación bordada.

O vindeiro sábado, 15/11/2025, entre as 11:00 e as 14:00 horas, imos crear cadernos cun tipo de encadernación sinxela e resistente, coa técnica tradicional francesa. Un tipo de cosido artesanal, exposto sobre o lombo, que nos axudará a convertir recortes de caixas de madeira desbotadas en pequenos cadernos únicos. Sobre a propia madeira bordaremos despois as nosas ideas e deseños en forma de puntadas, personalizando o contido e creando a través da imaxinación e as mans, os nosos patróns ou esquemas de bordado con fíos de cores.

Non dubidamos que será unha experiencia fantástica, na cal podes participar CUBRINDO ESTE FORMULARIO.